日韓劇狂熱份子

趕不上三點的船，
難道真的等多兩個小時？
望著船離開碼頭後
我們除了頹，還是只有頹
不止我們五個，還有幾個人跟我們情況一樣
大家都只可以無奈地企在閘口前........



好彩！

過左一陣，職員說三點半會有加班船！！
啊！感謝老天！！！！
真是太太太好彩了

上船後先打個電話比蔡先生
是的，我們最後決定試新野，
就係坐蔡先生的車上高雄
他叫我們上船後打電話給他，到東港就可以上車了

趕頭趕命後大家都熱到流晒汗
冷氣吹吹下，唔使好耐大家都瞓著晒



到達東港後，一出碼頭就有人問我係咪從香港來的
我估佢係見到我地咁大舊行李，一望就望得出
之不過，他並不是我昨日見過的蔡先生啊
第一下又以為人地係騙子or其他兜生意的
不過後來講講下，先知佢都係蔡先生的拍檔（員工？）

雖然要跟幾個台灣人夾車，
但今次架車是七人車
坐得舒服好多，而且價錢不算太貴
感覺不錯！

到達高雄了！
這次我們入住的是康橋商旅
是偶然間看到有人介紹的
一查之下發現房價不算貴，而家碰巧呢排佢做緊促銷活動
不用想了！就這間吧！
康橋商旅有很多家分館
我們住的是六合館
就正正位於六合夜市附近，對面又有7-11
晚上完全不用怕會餓！



入到去我先去櫃枱check-in
其餘四位也沒閒著，好繁忙地挖雪糕！！
是這樣的，就在櫃枱旁邊有一個雪櫃提供雪糕免費任食
而且不是只有一種口味
是有合共七種口味這麼多啊！！
大熱天時吃真的好爽
康橋怎麼這樣貼心啊？
房價真的一點也不貴啊！
完全沒想過！





CHEERS!!

在入房之前，我竟然好白痴地跌左支匙羹落地
為左唔想特登行返落去大堂拎過，我唯有將個紙杯變形來食
點知竟然比人話我強姦個紙杯.................................
無咁誇張囉好無！

我覺得隻房門好似古堡的木門
一打開度門，井底病又發作！
有片為証！




其實呢間房唔算真係好大(以整個旅程住過的計)
但都算唔錯了
放低行李又出發喇
唔好忘記我們是未食午餐的！
康橋真的好方便
走一小段路就到達捷運站



美麗島！英文是Formosa Boulevard
好靚好靚的名字 ！！！
唔止個名靚，這個捷運站絕對是一個景點！
車站內部有一個圓形的玻璃頂名叫光之穹頂
是全球最大單一玻璃公共藝術品
而車站也是全球最大圓形地下車站
重點是上個月選出全球15個最美的地鐵站中，
美麗島站就排名第二呢！
（第四名也是高雄捷運的中央公園站，可惜這次沒有去到呢）
真的好漂亮！沒想到走進個捷運站也能有這樣的驚喜！






然而驚喜不只這個
站內還有一個3D畫的小型展覽
旁邊亦有小小的區域是大學放置一些手工藝的呢
真的是完全將藝術融入捷運站啊！
單單在這裡影相四圍行下都花了一段時間
話佢唔係景點就假喇！







其實除了以上的藝術品以外
捷運站內什麼我們都可以玩一餐




兩位一見到仔仔同阿mark就即刻飛埋去扮佢地影相.....


等車又玩.....

去到另一個站見到牆身廣告都有得玩
我覺得我們的自娛能力已經到達人級別！




到底我們因咩事要扮呢班人？



坐捷運期間，正當我們繼續自得其樂時
廣播響起
一把女性的聲音用台語說：









蝦熱讚，淫賤波！　（廣東話發音正是我們當時聽到的台語發音）



未見過世面的我們，聽到後能做的只有對望一下然後一起爆笑
（對不起，真的不是有心取笑，只是這個發音實在太巧合了！！！）


到底淫賤波係咩地方？




答案就是....................................
















鹽埕埔！




來鹽埕埔是為了去很多旅遊書都有介紹的米糕城
不過，我帶錯路了
明明看著地圖，還是迷失於高雄行頭
行下行下，竟然見到小林眼鏡
一群人花痴上身，同塊紙牌合照當係同炎亞綸合照

　

anyway, 在街上繞了N個圈後
再問問路人
我們終於找到米糕城了！



因為不算太餓，加上晚上打算去六合夜市大擦一餐
所以沒有點很多東西， 
不知道是不是嫌我們五個人點得太少，
阿姨們的態度都不是很好
當下印象就不是很好了

加上肉燥飯，我個人覺得沒小琉球那家好吃
而米糕，白痴的我們以為是類似蘿蔔糕的物體
但其實是糯米飯來的，食落也沒有到很好吃的程度
反正沒什麼好留戀，趕快吃完快點走吧







路經一間博物館 ，連外觀都都好好看！ 



下一站是愛河
一場黎到，唔係唔去浪漫下啊？ 
買船票後就坐在岸邊休息一下
等下班船靠岸
看到有人在影結婚相，好浪漫！影出來一定好靚喇！





上船了！
只有我們五個？即是................包船？
真係咁爽？

諗多左囉！！
影左幾張相就有一大班同樣操著廣東話的人上船了
即刻嘈左好多....




我們看著天色慢慢轉黑，
愛河兩旁都有好多燈飾，放眼望過去
很漂亮！
在經過橋底時，還發現有好多雀鳥呢！
整個景色真的不錯呀！！



遊過愛河，又到時間醫肚
Let's go! 我們去六合夜市了！