日韓劇狂熱份子

三位不熟水性人士完全沒有任何問題，
心情一樣興奮都爆。
不斷聽到「嘩！好靚啊！」「好多魚啊！」
由於後壁湖人真的不是很多，所以整個範圍就只有我們四個
不怕人撞人，我們可以十分舒適地慢慢欣賞美麗的海底世界

可惜，我不爭氣的胃在這時候突然作反
唔知點解有種好想反胃的感覺
即使幾想再潛，都係先上浮台休息下先
而易暈阿皮亦已經上左浮台
其他兩個潛多一陣都上埋黎喇
（坐左一陣後發現，其實浮台更拋.....）

我同佢地講我個胃正在翻滾（當然是廣東話）
帥哥教練聽到之後就問我「什麼是翻滾？」
我就用普通話講多一次
他說：那說反胃就好了嘛！
er...........翻滾動感一點嘛.........哈哈

坐左一陣之後，教練就叫我地玩曼波
（什麼是曼波？請參見下圖。） 
  

原本教練說坐後面的會比較刺激，於是我.ellen.吉莊就坐左係上圖個三個人坐的位置上
由左至右分別是我-->吉莊-->ellen
(er.......後來發現後面的意思係企係坐位後面......)
而阿皮亦上船，但當佢上船的一刻，吉莊見到佢塊面白晒而且想嘔，都係叫佢唔好玩喇
休息下先啦

出發！
一來就高速地片出去，浪花不停濺上來，未知驚的我們都好興奮係咁WO~~
自信的時光過得特別快
當教練將佢架船不停地左駛右駛，製造出非常澎湃的浪花之後
我地架曼波亦開始跟住浪花左搖右擺
請注意，這絕對不是普通的搖擺
而係搖到幾乎反船！！！
搖到吉莊成個人責住我個身，而吉莊同ellen之間幾乎有半個身位！！！
好誇張好誇張好誇張！！！
要出盡力拉住個扶手先可以避免拋落水的結果 
而我地，仲洗問？
當然係.............「啊！！！！」「啊！！！！！」
「啊！！！！！！」 
邊個話坐係度無咁刺激架？？
成個後壁湖都聽到我地的尖叫聲喇！
奉勸臂力差又唔想落水的朋友，切密揀曼波！

休息左一陣，我地再挑戰埋水上電單車
先係阿皮同吉莊，電單車又係高速駛離浮台，
見到佢開始左轉右轉，開始有尖叫聲傳返來
到中段都係正常玩水上電單車教練會做的事
但係到接近浮台，正當全部人都以為係駛返來落車的時候
電單車又突然轉彎，而且係極誇張的轉彎
架車係差唔多90度打橫咁滯，仲要唔只一次，係左搖右擺轉足幾次！
當然，面對突如其來的驚嚇，你聽到的只有瘋狂的

「啊~~~~~~~~~~~~~~~」

「啊！！！！！」
而圍觀的當然先呆一呆，然後就係「哈哈哈哈哈.................」

笑得咁開心做咩，跟住就輪到我同ellen
座位順序是 教練-->ellen-->我
我頂多只可以拉住教練件衫。
出發！一開始架車就已經係高速地片出去，
然後，一輪正常的左轉右轉之後
就開始駛返去浮台喇
雖然已經有心理準備，但係到真正來到的時候，還是一百個驚嚇
唔係講笑，我真係覺得架車橫到要反咁滯，我同海水是如此的接近！！！
而我可以做的，除左用盡吃奶的力扯住教練件衫之外，就只有瘋狂地慘叫「啊！！！！！！！！！！！！！！！！！！！！」
真係好恐怖架！！！！唔信你去試下，無呃你！
好彩教練件衫質地好，如果唔係我覺得已經會比我扯爛左 
最後，在教練一手好技術下，我們當然是安然無恙地行返上浮台。
而當你行返上浮台之後，又會覺得其實頭先真係好爽！又好想玩多一次。

咦? 咁vicki呢? er.....佢一早已經耍手擰頭啦!!!
唔洗問，我地係唔會就咁放過佢的
我，吉莊，ellen（阿皮已經上左岸休息）再加帥哥教練&電單車教練 VS   vicki 
已經無打算說佢玩曼波，只諗住叫佢玩下電單車
我們的理據是
１已付錢

２難得來到台灣有得玩

３趁後生應該試多啲

教練都話會慢慢開，唔會開得快，純粹想比佢試下
以上理據外加其他小理據，重覆又重覆，重覆又重覆，連教練都落足嘴頭