【2011 台灣】DAY 3.1 往小琉球進發－日韓劇狂熱份子

2011-06-15 DAY 3 墾丁 --> 小琉球

今天要去小琉球了！
所以我們一大早就要起來啦

晴朗的早晨，在藍天下慢慢地行，心情特別舒暢

早餐又是吃飯團！嫌我煩都要講多次，真係好好食架！
真係不要睇小台灣的7-11，食物都好有質素的

昨天都沒有好好看一看船帆石這個景點
反正就在7-11對出的地方，就趁食早餐的時間去影相啦！
看著大海，吹著海風，喝著咖啡
我差點以為自己做左上等人！
好悠閒啊！！！！（如果唔洗趕住走的話）

連椅子都這麼可愛！！

沒辦法，我們跟小馬約了八點鐘出發
只可以快速地在這邊影幾張相就要走了！
再見喇，墾丁！
We will be back！

行到返民宿，小馬已經到了！
又匆匆忙忙上房搬行李
可惜我們今日太早要離開，沒有跟呂先生合照留念

其實點解要咁早出發呢？

話說昨天跟小馬說請他載我們到東港的時候，順手講多左一個請求

就係請他載我們去一去小杜包子！！

小馬說要去這店就要再早一點出發，所以我地神咁早就要起程喇
之前看旅遊節目和其他人的blog介紹，那些包子實在是深深吸引著我！
尤其是可以拉絲的起司包，每次睇相都流晒口水
今日終於可以一嘗呢個我朝思暮想的包了
小馬更先比張訂購單我們填，等陣不用再花時間選
大家都心大心細，真係每一款都好想試，
不過一陣要坐船，都係唔好食太飽喇！

好期待好期待好期待啊！！
終於都到喇！
唔知食落係咪真係咁正呢？

我負責跟小馬進去買包
一下車，奇怪，點解無人等？
行入去鋪內問一下

「我們的包子十點才出爐！」

下？？？？

即係無得食？？？？

不是吧！！！！

請告訴我不是真的.........................

我非常挫敗，傷心到連店面的相都無影到
（而家諗起都仲係覺得好遺憾）
無緣的小杜包子，唯有下次再來吧！

好可愛的貨車！

繼續往東港的路上，車內十分之熱鬧
唔知邊個唔知點解提起日本有人會吃大便這個話題
令小馬一百萬個驚訝！
（我坐係佢隔離，望到佢個表情話我知佢真係好shock）
而且唔知點解仲要延伸講落去（例如探討如何可以玩弄吃大便的人，其中以吉莊最有創意！）

由於內容極之嘔心，實在不便公開！
但係令成個車程多了很多歡樂！

講下笑下就到東港喇，係時候要同小馬分別
雖然一開頭有點不爽，但係之後兩日氣氛都係唔錯的
小馬，再見！

Ellen，吉莊同阿皮的台幣用得七七八八
要去銀行兌錢喇
想問下碼頭入面賣冰棒的婆婆，點知婆婆全程都係台語頻道
完全雞同鴨講
好彩最後有位阿姨幫忙，阿姨說坐車去應該十分鐘左右，咁好快姐
三位順利出發！

我同VICKI有咩做呢?
就係負責坐係碼頭看行李同埋同阿姨吹水
阿姨說門口有個肥男人一早已經係度，應該不懷好意
如果佢過黎同我地講野，叫我地千其唔好理佢！
結果，過左陣個肥男人真係行左過來，問我們由邊度來
由於聽過阿姨的忠告，我們只係極敷衍地答佢就算
（如果這位先生你真係無惡意的話，實在真係唔好意思，就當我們是小人吧！）

然後又有另一位司機走左入來，這位司機好似跟阿姨幾熟
後來司機知道我們明天要上高雄後，就比左張卡片我
話可以車我地上去，只要上船個陣打個電話比佢就得
阿姨同我地講呢位司機好好人的
不過因為小馬臨走之前都有講話聽日可以車我地上高雄
所以我們都考慮中.....

吹吹下水，望一望鐘，唔對路喎
點解咁耐都仲未返？
連阿姨都話無理由要咁耐架喎
打電話比佢地先知原來佢地截唔到車，邊問路邊行緊返來
要快喇，就開船喇！

唔記得介紹一下小琉球
小琉球位於高雄市南南西方，
對我來說是高雄和墾丁之間對出的一個外島
要去小琉球就要去東港港口
船班分為公營同民營，民營的班次比較密
但票價會貴少少
而且兩種船的下船地點不同，選擇時要注意了

等啊等，終於見到三人的身影了！
我馬上去買船票上船，好彩仲趕得切
路上我們都好怕易暈阿皮會暈船浪，好彩船程不算太長
大約25分鐘後已經到了！

下船後看到很多人手中拿著民宿的牌子
我們就去詢問一下，那個人就帶我們到一家機車店前面等候
說會有車來接我們到民宿
當日天氣真的很好（即是好曬好曬）
大家都聚在樹蔭下避曬，同時我們都有一個相同的問題

「到底佢車我地去民宿要唔要比錢架？」

無計，生活於香港的人都應該知道
好多野都係下下同你計錢的

等左一陣，一架七人車到達！
正當我們以為要坐好一陣之際，架車轉左幾個彎就到了
哦，其實好近姐
問一問民宿主人，頭先個程車係免費的
佢仲問我們要唔要包車玩，因為景點之間都有些距離
而家記憶中費用十分之便宜，於是就馬上決定了「要！」
去景點之前，我們要先參加民宿的生態遊
出發時間還未到，我們就先去醫醫肚吧，蝗蟲們餓了！

真心要推介一下那個肉燥飯！
半肥瘦的肉燥加上油香，真係唔洗五分鐘就食完！
重要只係NT20！去邊到搵？
往後在其他地方吃的肉燥飯都比不上這個，直到今時今日都仲係好想念
絕對是令我雲牽夢縈的肉燥飯
如果我再去一次小琉球，其中一個原因一定係佢！

食飽就在附近走走，
我，吉莊，vicki終於在小琉球買到帽子了！
之前在墾丁真的曬傷頭皮了，每日都甩左好多皮........

係時候介紹一下我們的民宿
我們這次入住的是　船屋民宿
光是看到照片就覺得好漂亮，而且價錢實在好便宜
所以我們這次訂了六人房！

當我們親身到達民宿的時候，淨係個門口已經足以令我們嘩嘩嘩！

洗唔洗咁有heart真係整隻船啊？而且成幅外牆都畫滿海洋生物，變身成為海底世界！
真係好靚好靚好靚啊！

但係因為好曬的關係，我地都係返入民宿大堂避下個熱情的太陽
碰巧我們的房間收拾好了，順手搬埋行李入房先
民宿主人說我們的房間在一樓，
然後給我一條扣著魚形鎖匙扣的鎖匙
而那條魚的品種就跟我們房間名字一樣，
而且門上會有跟鎖匙扣一樣的圖案（這家民宿的房間全部都是用魚的品種命名的）

即是說要憑著鎖匙扣去尋找我們的房間了！
掃視過在地下的房間門，感覺都不太像，
而且主人說在一樓，應該是要上一層吧.....（好像只有我覺得）
我就帶著大家走上樓梯了
你知道，上樓梯這個動作表示我們又要當起大力士
幸好在搬的途中有對情侶也要上樓，那位先生出手相助，輕易就幫我搬到一樓了（其實可能係佢覺得我地阻住晒條路姐.....）

佢搬完個陣，問左句「你們的房間在幾樓？」（因為民宿有三層的）

我：「一樓啊」

男人：「那是在下面啊！」

下...........咁姐係白搬?

這位好心的哥哥，真的不好意思啊！！！
我的行李都幾重下架.......
好彩阿皮佢地仲未開始搬，咁我搬返落去啦！
搵返我地間房喇，其實頭先都有望過架，不過我覺得唔似所以就無相認到
算啦！搬一搬當做運動囉！