close
唔好誤會，此情景並非山泥傾瀉
而是其中一個墾丁景點風吹砂！
據小馬講，好似係冬天的時候季後風將沙吹過來在這裡積聚
所以冬天來會看到公路上都是沙！應該都幾壯觀！
在風吹砂，可以無阻擋的直眺太平洋！！！
寬闊，無盡的太平洋就在我們眼前！
剛好是日落的時間，天空又漸漸地變成橙色，月亮也出來了
雖然沒有昨天在關山的日落漂亮，不過也別有一番風味啊
上課時間到，
小馬又很熱心地向我們講解！
又對這個地方認識深了
然後.................................
又係發揮我們小宇宙的時間
仲有..........
無人可取締的CHOK后阿皮！
小馬見我地影相係咁擺呢類POSE
終於睇唔過眼要教我地擺其他POSE
仲話影完放上網肯定會紅
佢咁盛意拳拳，我們實在不好意思推卻
影咪影囉！！！
景啊景，唔好意思我破壞左你
都係打返個格仔先
ellen sorry，我頭大！
下一站是港口吊橋
只是一條很短很短的橋！
好像只逗留了大約十五分鐘就走了（相關記憶十分之少）
這條橋原本是要收取十元入場費的，不過我們走到橋口，根本就沒有人收費
那就直接過橋吧！
拿，我們不是有心過霸王橋的
橋中間竟然有兩位阿姨坐係度吹水，就好似坐係屋企樓下間茶餐廳咁
明明係景點，但係竟然變左阿姨們的聚腳點！
台灣真是可愛！
去左咁多地方，大食的井底們又肚餓喇！
小馬於是帶我們去恆春搵食
佢推介我們去吃蒸餃，算是其中一種台灣的地道小吃吧！
眨下眼，全部食物又比我地掃晒！
「咦！對面有鹽酥雞喎」
「不如買來食囉！」
就係咁，我地手上又多包野食！
接著，我們來到出火
我估阿皮好期待呢個地方，因為佢係車入面提左好多好多次！哈哈
我仲以為只係一堆仔的火，但原來比我想像中大.................少少咁多啦！
其實那些火是有圍欄圍著的，並有警告牌寫著不准進入
但還是有很多人走進去放煙火，拍照
希望這個景點不會因為這樣而在未來消失吧！
一場來到，我地都玩下light painting吧！
寫左好多次，呢張算係比較成功架喇！
果然係寫自己個名最叻，一次搞掂！
淨係得堆火，我地又唔玩煙花，相又影得唔好
都係走喇！
因為跟住落黎，我地要去呂先生推薦的龍磐公園了
他說晚上去這邊看星星很棒！
一落車，抬頭看看天空
「嘩！個月光好光好圓啊！」
「好多星星啊！」
「嘩................」
我們的相機拍不到滿天星星的效果（請自行想像一下吧）
這種景色真的只能在外地才看到！
小馬說因為快要到十五了，所以月亮特別圓
龍磐公園其實是一片大草地來的，不過我們來到的時侯天已黑了
而且小馬說草地中間有一條縫隙，曾經有人發生意外
所以我們也沒有走進去，只在公路邊欣賞這漂亮的景色！
碰巧有另一班遊客來到，他們在這邊放煙花
哈哈，我們有免費煙花匯演看了！
煙花加上月亮和星星，這個天空，更漂亮！
既然影唔到星星，就影下自己啦！（這是什麼因果關係？）
明明話要扮醜，但係好明顯有兩個人有偶像包袱啦！！！
而我們又再就明天去東港的方法再開多次會
因為今日一整天小馬都無再點hard sell我們，感覺好多了
而且，其實公車車費只係便宜少少，班次又唔係好密（即係我們要神咁早起身），又要自己搬行李上上落落，經過約五分鐘商討後，我們還是決定了搭小馬車去東港！
時間差不多了，我們還未吃晚飯呢！
不用奇怪，剛剛那一餐頂多只是下午茶！
於是，小馬又載我們回到墾丁大街
今次由街尾開始行，一來就見到賣精品的攤檔
大家終於都忍唔住要出手了！
個個都有豐富的戰利品！
開餐喇！！！！！！
好鐘意食呢檔的羊肉串！那些孜然粉加落肉串度，真係好香好好味！
井底們中只有我跟VICKI食蠔，所以在墾丁這地方看到有烤生蠔，當然要試一試
完全唔需要任何調味，因為海水就係調味料
一口咬落去，海水味充滿在我口中！
好正！
來台灣，點少得飲返杯台式奶茶！乾杯！
仲有烤馬鈴薯！呢個真係好食喎！
食食下，突然又諗到要拍返集食尚玩家
於是...............
登...
登...
登...
凳！
垃圾版食尚玩家開播喇！
(er.............呢個節目只係得一集咋喎)
以下為節目介紹：
本節目特地遠赴台灣墾丁大街取景，由兩名井底特派員為大家介紹美食。
（連介紹都hea過人）
哈哈，去片啦！
真係好無聊架我地！
請原諒我的無知，實在一時間醒唔起個膩字
寫返張POSTCARD先！
行完街就返去喇，聽日仲要早起身
但係......................
都話左個胃係無底深潭架啦！！！
完全唔需要驚訝！
終於可以攤抖下，
打開個電視，竟然播緊ID精英
香港都播緊喎(深夜十二點時段)
仲要我個排有追開，然後就真係坐左係度睇.........
你睇下吉莊隻腳！
就係玩浮潛個陣跣腳撞到石頭，所以玩浮潛個陣真係唔好心急
記得要慢慢行落水，唔係好易整親架！
話就話聽日要早起身，但係我地邊有咁早瞓
阿皮沖涼我地就吹水
突然，又諗到不如偷影阿皮出來個一刻
又馬上係廁所門口STAND BY
等左成十分鐘，明明聽到佢好似要出黎架嘛
都唔知佢係入面做乜
哈哈，最後都偷拍成功！
（阿皮自己BLUR左）
然後呢個人又要試下佢今日買個條裙，
唔知點解要係張床上面換
我同吉莊見到，即刻搵部相機對住佢
阿皮完全係動彈不得！
笑死我地！
（我地係咁賤架喇！）
臨瞓前，仲要洗衫！
但係無地方晾喎！
唔洗怕，我們是絕對會善用房間的
於是，間房變成咁.............
今日去了很多景點，墾丁真的是一個很棒的地方！
每個地方都是藍天白雲，
感謝老天沒有下雨！
明天，我們要去小琉球了！
全站熱搜
留言列表
- 旅遊 - (6)
